“Sizin müraciətinizə Qaçqınların və Məcburi Köçkünlərin İşləri üzrə Dövlət Komitəsinin tərkibində fəaliyyət göstərən xüsusi komissiyada baxılmışdır. Müraciətinizlə bağlı bildiririk ki, məcburi köçkün ailələrinin mənzillə təmin olunması Azərbaycan Respublikası Prezidentinin müvafiq Fərmanlarına, Sərəncamlarına və bu sahədə qəbul olunmuş Dövlət Proqramına əsasən mərhələli şəkildə həyata keçirilir. Məskunlaşdığınız ərazi köçürülmə obyekti kimi göstərilən zaman orada faktiki yaşayan məcburi köçkün ailələri kimi sizin də mənzillə təmin olunaraq köçürülməyiniz məsələsinə qanunla nəzərdə tutulmuş qaydada baxılacaqdır”. Komitənin cavab məktublarında yer alan bu cümlələr acınacaqlı şəraitdə yaşayaraq mənzil növbəsində dayanan çox köçkünün gözünü döyənək eləmişdir. Artıq bu cümlələr də, onların altından imza atan məmurların adları da zavallı köçkünlərdə allergiya doğurur. Bunun səbəbi sadəcə hövsələsizlik deyil, növbədə olanların mənzil-məişət şəraitlərinin, maddi və sağlamlıq durumlarının qiymətləndirilməsində yol verilən ədalətsizlikdir.
Korrupsiya-q.az
[xfgiven_embed] [/xfgiven_embed]
[xfgiven_youtube][/xfgiven_youtube]