Şirvan şəhəri, M.Müşfiq küçəsi, ev – 13 ünvanda yaşayan Mustafayev Amid Ağaqulu oğlu tərəfindən
Xahişnamə
Çox hörmətli Mehriban xanım!
Məlum edirəm ki, mən və ailə üzvlərim Azərbaycanda Heydər Əliyev siyasi kursunu və bu kursun layiqli davamçısı, möhtərəm Prezidentimiz İlham Əliyevi dəstəkləyən vətəndaşlarıq. Dövlətimizin daxili və xarici siyasətini bəyənirik, vətəndaşlarımızın rifahına xidmət edən sosial siyasətdən bəhrələnirik.
Hörmətli vitse-prezident, Sizin Heydər Əliyev Fondunun rəhbəri kimi, həm də Milli Məclis üzvü olduğunuz dönəmdə millət vəkili kimi fəaliyyətiniz boyunca xalqımız qarşısında göstərdiyiniz xidmətlər, ələlxüsus da atdığınız humanist addımlar birmənalı olaraq bütün cəmiyyət tərəfindən alqışlanır. Mən də məhz xeirxahlığınıza ümid edərək bu xahişnamə ilə Sizə müraciət etmək qərarına gəlmişəm.
Bildirirəm ki, 13.09. 2019-cu il tarixdən Şirvan Müalicə Diaqnostika Mərkəzinin Hemodializ şöbəsində hemodializ seansları almağa göndərilmişəm. Həftədə 3 dəfə 4 saat “AV vistula” vasitəsilə hemodializ seansları təyin olunmuşdur. Hazırda vəziyyətim stabil orta ağır kimi qiymətləndirilir. Diaqnozu qoyulan əsas xəstəliyimin bir sıra yan fəsadları da olmuşdur ki, onlar da müalicə tələb edir. I qrup əlilliyə görə aldığım 250 (iki üz əlli) manat pensiya dolanışığıma və müalicə xərclərimə yetmir. Odur ki, Sizdən xahiş edirəm, Heydər Əliyev Fondunun imkanları daxilində mənim müalicəmin təşkilinə köməklik edilməsinə göstəriş verəsiniz.
Qabaqcadan minnətdarlığımı bildirirəm.
Qoşma: Şəxsiyyət vəsiqəsinin surəti – 1(bir) vərəq; tibbi kartdan çıxarış – 1(bir) vərəq; DSMF Şirvan şəhər şöbəsindən arayış – 1(bir) vərəq.
İmza: A.A.Mustafayev
Tarix: 17.02.2020
Mehriban Əliyeva: "Heydər Əliyev bütün ömrü boyu xalqına, vətəninə sədaqətlə xidmət edib”
Latviya Vətəndaşının Azərbaycan prezidentinə müraciəti 2
