“Azercell” satılıb?

Mətbuatda yer alan xəbərə görə, Azərbaycanın ən böyük mobil operatorlarından biri olan “Azercell”in səhmlərinin bir hissəsi satılıb.
“Şirkətin ən böyük səhmdarlarından biri olan “TeliaSonera” holdinqdəki səhmlərini “Pasha Holding”ə satıb.
“Pasha Holding”in “Azercell”də neçə faiz paya sahib olduğu və digər məsələlərlə bağlı rəsmi məlumat açıqlanmayıb”, - deyə mətbuat yazıb.
Oxu.Az-ın bu məsələ ilə bağlı sorğusuna cavab olaraq “Azercell”dən “TeliaSonera”ya müvafiq sorğu ünvanlamağımızı istədilər.
“TeliaSonera” şirkətinin mətbuat xidməti, ictimaiyyətlə əlaqələr üzrə mütəxəssisi Cohanna Hansson isə mətbuatda yer alan xəbəri şayiə adlandırdı:
“Biz bu cür şayiәlәri şərh edə bilmərik”, - deyə mütəxəssis bildirib.
O həmçinin qeyd edib ki, bu haqda məlumat olan kimi ictimaiyyətə xəbər veriləcək. [xfgiven_embed] [/xfgiven_embed] [xfgiven_youtube][/xfgiven_youtube]