Erməni kimi təqdim olunan qız “Space”in işçisi imiş

İsveç Azərbaycanlıları Federasiyasının rəhbəri Səttar Seviginin ailə həyatı qurduğu bildirilən və erməni qadın kimi təqdim edilən Gemma Garavelli azərbaycanlı imiş.
Bu barədə bakipost.az-a əsl ad və soyadı Cəmilə Qaravəlli olan xanım özü məlumat verib. O, yayılan xəbərdə yalnışlıq olduğunu deyib və hazırda “Space” televiziyasında işlədiyini bildirib:
“1997-ci ildən “Space”də işləyirəm. Hazırda da Xarici əlaqələr üzrə baş mütəxəssisəm. Bu xəbər mənim nüfuzuma zərbədir. Fotolarımı yayıblar və erməni olduğumu bildiriblər. Biabırçılıqdı. Haqqımda yalnış informasiya yayanları məhkəməyə verəcəyəm”.
C. Qaravəlli Səttar Sevgi ilə ailə həyatı qurduğunu təsdiqləyib.
Məlumat üçün bildirək ki, publika.az saytı “Azərbaycanlı diaspora rəhbərinin evləndiyi erməni qızı – FOTOLAR” başlıqlı yazı yayımlayıb. Yazıda “Space”in əməkdaşı olan Cəmilə Qaravəlli İsveç Azərbaycanlıları Federasiyasının rəhbəri Səttar Seviginin ailə qurduğu erməni qadın kimi təqdim edilib.
[xfgiven_embed] [/xfgiven_embed] [xfgiven_youtube][/xfgiven_youtube]