Keçmiş icra başçısı vəfat etdi

q.az/uploads/posts/2018-04/1524482381_ib.jpg[/thumb]
Yardımlı rayon İcra Hakimiyyətinin sabiq başçısı Nizami Hüseynov 66 yaşında dünyasını dəyişib.

Qaynarinfo xəbər verir ki, mərhumun vəfat etməmişdən öncə insult keçirdiyi bildirilir.

Hüseynov Nizami Səfər oğlu 1952-ci ildə iyul ayının 22-də Lerik rayonunun Züvüç kəndində anadan olub. O,1958-ci ildə Züvüç kənd səkkizillik natamam orta məktəbinin 1-ci sinfinə daxil olub, 1966-cı ildə həmin məktəbi bitirib.

Nizami Hüseynov 1972-ci ildə Neft-Kimya İnstitutunun Energetika fakültəsinin axşam şöbəsinə daxil olur. 1973-1975-ci illərdə hərbi xidmət keçir, 1981-ci ildə ali təhsilini tamamlayır. Axşam şöbəsində oxuduğu üçün həm də işləmək imkanı var idi. O,1976-1992-ci illərdə Sumqayıt şəhər 49 saylı orta –ixtisas məktəbində müəllim və direktor işləyib.

1992-1993-cü illər arasında Yardımlı rayonu İcra hakimiyyətinin başçısı vəzifəsində çalışıb. 1997-2005-ci illər arasında Sumqayıt Şəhər Elektrik Şəbəkəsi İdarəsində aparıcı mühəndis və satış rəisi işləyib. 2008-2010-cu illər arasında Cəlilabad rayonunun Elektrik Şəbəkəsi İdarəsində satış üzrə aparıcı mühəndis vəzifəsində çalışıb.

2013-cü ildən isə Biləsuvar rayonundakı Su Sistemlər İdarəsində mühəndis işləyirdi. O, uzun sürən xəstəlikdən sonra 2018-ci il aprel ayının 19-da dünyasını dəyişib.

Allah rəhmət eləsin. [xfgiven_embed] [/xfgiven_embed] [xfgiven_youtube][/xfgiven_youtube]