" Sahibkarları incidənlər vətən xainidirlər " - Prezedint İlham Əliyev
Cənab Prezidentin apardığı islahatlar insanlarımızı sevindirir! İstər əlillərlə bağlı fərman, istərsə də kreditlərlə bağlı, təqüdlərin artırılması ilə əlaqədar verilən sərəncamlar, xususən də məhkəmə islahatları ilə bağlı verdiyi sərəncam təqdirəlayiqdir və alqışlanmalıdır. Cənab Prezident həmişə sahibkarların, öz vətəndaşlarının yanındadır. "Diqlas " ticarət mərkəzindəki yanğından sonra sahibkarlara kompensasiya ödənilməsi buna misaldır. Dünyanın heç bir ölkəsində sığorta yoxdursa, belə hallarda dövlət tərəfindən bir qəpik də ödənilmir. 2010 - cu il Kür daşqınları zamanı da cənab Prezidentin göstərişi ilə zərər çəkmiş əhalinin hamısına müasir tipli, yaraşıqlı evlər tikildi. Elə insanlar var idi ki, balaca evdə yaşayırdılar, bunlara da evlər tikilib verildi. O cümlədən, həyatyanı sahəsinə dəymiş ziyana görə də kompensasiya ödənildi. Əslən olduğum Sabirabadın Qasımbəyli kəndi və 4 kənd 4 ay suyun altında qalmışdı. İndi gedin baxın o kəndlərə, Avropanın kəndlərindən də yaxşıdır. Heç vaxt asfalt yolu olmayan kəndlərə yol çəkildi, elektrik işləri çox yüksək səviyyədə görülmüşdür. Ən başlıcası, bu kəndlərə təbii qaz xətti çəkildi!! Yeni məktəblər, xəstəxanalar, uşaq bağçası, poçt idarələri, su təmizləyici qurğular və s. tikildi.
Yəni, bu, cənab Prezidentin həmişə dediyi: " Mən hər bir azərbaycanlının prezidentiyəm " sözlərinə sadiqliyinin bariz numunəsidir. Əhalimiz cənab Prezidentdən uşaq pullarının bərpasını və 10 min dollardan yuxarı olan kredit problemlərinin də həllini səbirsizliklə gözləyir, çünki 100 minlərlə vətəndaşımızın evi, obyekti banklar tərəfindən hərraca çıxarılaraq əllərindən alınma təhlükəsindədir. Ardı var...
Həsən Həsənli