“Korrupsiya və Qanun” qəzeti redaksiyasına Bakı şəhəri Zabrat qəsəbəsi Nizami küçəsi - 3A ünvanda yaşayan Mücərrədi Şövkət Qalamirzə qızının ərizəsi daxil olmuşdur. Ərizə müəllifi yazır:
“Mənim 1944-cü il təvəllüdlü bacım Mücərrədi Xədicə Qalamirzə qızı anadangəlmə lal-kardır. İndi gözünün birinə də qarqa su gəlib, heç görmür. Xəstəliyin ikinci gözünə də keçmək ehtimalı var. Qardaş yanında yaşayırdı, qardaş da vəfat edəbndən sonra baxımsız qalmışdır. İndi mən gətirib öz yanımda saxlayıram. Gözünün müalicəyə ehtiyacı var və onun aldığı 160 (bir yüz altmış) manat pensiya dolanışığa çatmır. İndi hal-hazırda tamamilə əmək qabbiliyyərtuini itirib. 75 yaşına çatan bacımın köməyə ehtiyacı var. Bu barədə dəfələrlə aidiyyati qurumlara müraciət etsəm də, heç bir nəticə olmamışdır. İndi xahiş edirəm ki, bacımın problemini ictimailəşdirib əlaqədar instansiyaların diqqətini cəlb edəsiniz və onun əlillik statusunun II qrupdan I qrupa keçirilməsinə və mənim onu qəyyumluğa götürməyimə köməklik göstərəsiniz”.
Yeri gəlmişkən, rəhmətlik Məhəmməd Qalamirzə oğlunu (Məhəmməd Gəncəvi) jurnalist cameəsi də yaxşı tanıyırdı. “Korrupsiya və Qanun” qəzetinin oxucularına da onun adı yaxşı tanış idi. Əsasən tənqidi yazılarla çıxış edirdi. Ziyalı ictimaiyyəti arasında sadiq dostları vardır ki, bu problemin həlli üçün qələmlərini çalışdıra bilərlər. Yəqin ki, aidiyyati qurumların məsələyə konstruktiv müdaxiləsindən sonra yerli icra hakimiyyəti orqanları vətəndaş Mücərrədi Xədicə Qalamirzə qızının üzərində patronaj (baxıcı) təyin edilməsi üçün müvafiq köməklik edəcək və bu işi yerinə yetirməkdə onun bacısı Mücərrədi Şövkət Qalamirzə qızının namizədliyini dəstəkləyəcəkdir.
Mövzuya qayıdacağıq.
“Korrupsiya-q.az ”
[xfgiven_embed] [/xfgiven_embed]
[xfgiven_youtube][/xfgiven_youtube]
Onun köməyə ehtiyacı var
İNSULTLU XƏSTƏYƏ ƏLİLLİK STATUSU NİYƏ VERİLMİR?
Rusiyada Azərbaycanlı Qardaş Və Bacının Meyitləri Tapılıb
