Gürcüstanda ABŞ vətəndaşı bıçaqlanaraq öldürülüb

Gürcüstan polisi 41 yaşlı ABŞ vətəndaşının qətlində şübhəli bilinən şəxsi saxlayıb. "Report" Gürcüstan Daxili İşlər Nazirliyinin məlumatına əsasən xəbər verir ki, 1996-cı il doğumlu şübhəli şəxs söz atışmasından sonra ABŞ vətəndaşına bıçaqla hücum çəkib və ona bir neçə zərbə endirib.

Nəticədə amerikalı yerində keçinib. Hüquq-mühafizə orqanlarının əməkdaşları isti izlərlə hadisədən bir neçə saat sonra cinayətkarı saxlayıb. Hazırda Gürcüstan Cinayət Məcəlləsinin 108-ci maddəsi (qəsdən adam öldürmə) üzrə istintaq tədbirləri həyata keçirilir. [xfgiven_embed] [/xfgiven_embed] [xfgiven_youtube][/xfgiven_youtube]