Hollivud ulduzu canlı yayımda həbs olundu
Amerikalı aktrisa Shailene Woodley Şimali Dakotadaki nəhəng neft boru xəttinə qarşı təşkil olunan etiraz aksiyasında saxlanılıb. “Qafqazinfo” xarici KİV-ə istinadən xəbər verir ki, Hollivud ulduzu həmin an feysbukda canlı yayım edib.

“Mənim pencəyimi dartdılar və aksiyadan getməyimi istədilər. Burada nəhəng silahlar var. Qarşı tərəfə hərəkət etməyimizə icazə vermirlər”,- Woodley canlı yayımda bildirib.

Təxminən 20 dəqiqə davam edən yayımda yüzlərlə nümayişçinin tikinti sahəsinə doğru getdiyi, polislə qarşı-qarşıya gəldiyi, bir çox aktivistlərin nəzarətə alındığı göstərilib. Bunun ardından aktrisa polis tərəfində saxlanılıb, həmin görüntüləri hər kəs paylaşıb, canlı yayımı 3 milyon insan izləyib. Polis Shailenenin nəzarətə alınan 27 nəfər arasında olduğunu və məhkəməyə çıxacağını açıqlayıb.

Woodleyin meneceri dünən nəzarətə alınan məşhur ulduzun Şimali Dakotada olan Morton County Həbsxanasında saxlanıldığını bildirib.
Hollivud ulduzu canlı yayımda həbs olundu
Hollivud ulduzu canlı yayımda həbs olundu