Rusiyada inanılmaz addım- ORDU YERİTDİ
10-10-2018, 14:52. Разместил: Xuraman Quliyeva
Rusiya Federasiyasının hərbi komandanlığı Liviyaya Baş Kəşfiyyat İdarəsi (QRU) və xüsusi bölmənin onlarla zabit və əsgərini göndərib.
Korrupsiya-q.az Publika-ya istinadla xəbər verir ki, bu haqda Böyük Britaniyanın “The Sun” qəzeti mənbələrə istinadən bildirib.
məlumatına görə, Böyük Britaniya kəşfiyyatı Rusiyanın hərəkətlərinə Liviyanı “yeni Suriya”ya çevirmək cəhdi kimi baxır. Həmçinin, “The Sun” qeyd edir ki, bu, Rusiyanın Avropaya miqrasiya axını üzərində nəzarəti almaq arzusunu göstərir.
Nəşr xatırladır ki, Moskva münaqişədə Liviya milli ordusunun lideri Xəlifə Xaftarı dəstəkləyir. Bildirilir ki, “Vaqner” xüsusi hərbi təşkilatının himayəsi altında Tobruk və Benqazi şəhərlərinin ətrafında iki Rusiya hərbi bazası açılıb. Həmçinin, məlumata görə, Kreml Xaftarın ordusuna ağır hərbi texnika çatdırır.
Rusiyanın RBK agentliyinin mənbəyi də Rusiyanın Liviyadakı fəallığını təsdiq edir. Onun sözlərinə görə, neft-qaz maraqları Kreml üçün birinci plandadır.
Qeyd edək ki, son illərdə Liviyada ikihakimiyyətlilik hökm sürür. Tripolini BMT və Avropa İttifaqının dəstəyi ilə formalaşdırılmış və Faiz Mustafa Al-Sarracın rəhbəri olduğu Liviya Milli Barışıq Hökuməti idarə edir. Ölkənin şərq hissəsində yaradılan hökumət isə Tripolidən asılı olmayan və Xəlifə Xaftarın başçılıq etdiyi milli ordu ilə əməkdaşlıq edir.
Qeyd edək ki, general Xəlifə Xaftar Liviyada Rusiyanın əsas “lobbist”i rolunda çıxış edir. Moskva Liviya generalını ölkədəki situasiyaya təsir edən əsas siyasi fiqurlardan biri hesab edir.
“Xaftar ötən il Aralıq dənizində neftdaşıyan limanların əksəriyyətini nəzarət altına alıb və o vaxtdan Rusiya prezidenti Vladimir Putin ona açıq maraq göstərir”, – İsveçrənin “Neue Zuercher Zeitung” qəzetinin siyasi müşahidəçisi Ulrix Şmid ötən il yazmışdı.
Вернуться назад