"KONTAKT HOME" HƏTTA HEÇ "QIZIL ZƏMANƏT" KARTI VERDİYİ DAİMİ MÜŞTƏRİLƏRİNƏ DƏ HÖRMƏT QOYMUR

"Kontakt Home" mağazalar şəbəkəsinin alıcıları aldatması barədə indiyədək çox deyilib, çox yazılıb. Hətta bir dəfə Azad İstehlakçılar Birliyinin sədri Eyyub Hüseynov KİV-ə verdiyi açıqlamada müştəriləri ehtiyatlı olmağa çağırmış və bildirmişdi ki, bu şirkət "pulunu ver, itil cəhənnəmə!" prinsipi ilə işləyir.
Bu günlərdə redaksiyamıza daxil olmuş şikayətdən isə məlum olur ki, adı çəkilən şirkət hətta heç daimi müştərilərinə də hörmət etmir.
Bakı şəhəri, Binəqədi rayonu, Biləcəri qəsəbəsi, mənzil - 5057/68, 3x4m.89 ünvanda yaşayan və qeydiyyatda olan Dərgahov Samir Tahir oğlu ərizə ilə redaksiyamıza müraciət edərək bildirib ki, 02.01.2018-ci il tarixdə "Kontakt Home" adlanan servisdən 1618.99 manata LG124CGH modeli olan kondisioner götürübmüş. Bağladıqları müqavilədə göstərilmişdir ki, 14 gün gün ərzində qaytara və dəyişdirə bilər.
"Mən əvvəlcədən onları məlumatlandırdım ki, bu istilik sistemi bizim mağaza üçün yaramayacaq, çox kiçikdir. - ərizə müəllifi yazır: - Onların işçiləri tərəfindən gətirilib quraşdırıldı və otağımıza yararsız olduğu üçün (yəni, istiliyi otağa azlıq etdiyi üçün) qaytarmalı oldum. Həmin servisə gələrək dedim ki, kondisioneri qaytarıram. Aldığımız müddətdən cəmi 12 gün keçdiyinə baxmayaraq narazılıq etdilər və dedilər ki, qaytarırsınızsa, 100 manat cərimə ödəyəcəksiniz. Mən 100 manat cəriməni ödədim. Onlar anbara zəng edib soruşdular ki, Samir tərəfindən alınan mal yerinə qoyulub, ya yox. Anbardan təsdiqlədilər ki, bəli, yerinə qoyulub, amma korobkası yoxdur. Mən cavab olaraq bildirdim ki, düz deyir. Onun da cəriməsi nədir, ödəyərəm. Mən bunu deyəndən sonra onlar daha bir "əmma" çıxardılar ki, əşyanın bir tərəfi də bir az qopub, 300 manat da əlavə cərimə ödəməlisiniz".
Ərizəçi həmçinin bildirmişdir ki, həmin servisin daimi müştərisi olub. Özü də aldığı malların pulunu həmişə nağd ödəyib. "Qızıl zəmanət" kartı da var. Çox təəssüf edir ki, bunların heç biri nəzərə alınmayıb, ondan 400 manat cərimə alıblar.
Məsələ burasındadır ki, kondisionerin zədələndiyi Samirə onu qaytarandan sonra deyil, onun götürüldüyü anda deyilməliydi. Müəyyənləşdirilməliydi ki, qüsur istehsalçı, yaxud, istehlakçı tərəfindən buraxılıb və bu da yerində tərtib olunan aktda öz əksini tapmalıydı. Bundan başqa, əgər maldakı qüsurun istehlakçı tərəfindən, yəni, mexaniki zədə aldığı, səhlənkar münasibət, malın düzgün istifadə edilməməsi, saxlanma və daşınma qaydalarının pozulması, texniki şərtlərə, təhlükəsizlik tələblərinə riayət edilməməsi və başqa hallar nəticəsində baş verdiyi təsdiqlənərsə, onun aradan qaldırılmasının xərcinin məhz 300 manat təşkil etməsi də əsaslandırılmalıdır. Başqa sözlə, həmin məbləği Samir Dərgahovun ərz etdiyi kimi, gözəyarı, necə deyərlər, "iki daşın arasında" müəyyən etmək qeyri-mümkündür.
Aşkar bəllidir ki, "Kontakt Home" tərəfindən "İstehlakçı hüquqlarının müdafiəsi haqqında" Azərbaycan Respublkikası Qanununun tələbləri davamlı pozulur. Saytlar yazır ki, bu şirkət illərdir, istehlakçıları cəlbedici kredit təklifləri ilə aldadaraq fəaliyyət göstərməkdədir. Dəfələrlə vətəndaşlar şikayət etsələr də, pulları batıb. Maraqlıdır ki, İqtisadiyyat Nazirliyi “Kontakt Home”dan şikayətlərin heç biri barəsində ciddi araşdırma aparmayıb. [xfgiven_embed] [/xfgiven_embed] [xfgiven_youtube][/xfgiven_youtube]