Azərbaycan İdeyası

Həftədə iki dəfə sümük suyu içmək dərini cavanlaşdırır

Tarix:9-07-2019, 14:37
Baxış Sayı:222


Türkiyəli dietoloq Erdi Abdulla Uğurun sözlərinə görə, bədənin gümrah və sağlam olması üçün sadəcə pəhriz və idman kifayət etmir.

Publika.az “Milliyet”ə istinadən xəbər verir ki, sağlam qidalanma eksperti dərinin elastikliyi üçün həftədə 2 dəfə sümük suyu içməyi tövsiyə edib:

"Sadəcə pəhriz və idman yetmir. Vitamin-mineral çatışmazlığı, zərərli məhsullar, həddindən artıq duz və şəkər istifadəsi sağlam bədənin qarşısına sədd çəkir. Sağlam qalmaq və sağlamlığımızı geri qazanmağın yolu sağlam qidalanmadan keçir. Qablaşdırılmış məhsulların çox böyük bir qismi dərinin düşmənidir.

Yüksək miqdarda şəkər və duz dəri zülallarını əmərək orqanizmin sağlam görünüşünü zədələyir. Şəkər orqanizm zülallarına bağlanaraq dəri quruluşunun pouzulmasına səbəb olarkən, artıq duz ödəmə və toxuma bütövlüyünün pozulmasına yol açır.

Vücudumuzdaki zülalların 90 faizini kollagen təşkil edir. Amma seçim edərkən içərisindəki kollagen miqdarı, kollagen tipi və təsir forması çox əhəmiyyətlidir. Tip 1 və Tip 3 kollagen növü 3-6 ay ərzində dəri toxumasını möhkəmləndirir, dəri elastikliyini bərpa edir. Bununla yanaşı, sümük suyu tərkibindəki prolin qlutamin kimi kollagen quruluşunu təşkil edən amin turşular sayəsində bədəndəki toxumaların, xüsusilə dəri və əzələ toxuması bərpa edərək yenilənməsini təmin edir. Dəriyə daha sağlam, elastik və canlı bir görüntü qazandırır.

Sümük suyu şorbaları rasiona həftədə 1-2 gün daxil edilməli olan yaxşı alternativdir. Yalnız çox uzun müddət bişirilməsi nəticəsində sümüyün tərkibindəki bəzi zərərli molekullar da aşkara çıxa bilər. Odur ki, maksimum 3-4 saat qaynamat yetərli olacaq. Avokado sağlam yağları və güclü antioksidant birləşmələri ehtiva edən müdhiş bir qidadır. Aparılan tədqiqatlar göstərib ki, avokado dərinin yenilənməsinə çox güclü təsir göstərir. Həmçinin yay aylarında günəşin zərərli təsirlərindən qorumaq gücünə malikdir".

Daha sonra mütəxəssis su və yaşıl çayın dəriyə təsirlərini sadalayıb:

“Su bütün bədənimizin 60- 65 faizini təşkil edən super qidadır. Dərimizin daha nəmli, parlaq və canlı olması kifayət miqdarda su qəbulu ilə əlaqəlidir. Bədənin uzun müddət susuz qalması dərinin qurumasına və qırışmasına, həmçinin digər problemlərin şiddətlənməsinə səbəb olur. Dərinin özünü yeniləyə və daha sağlam görünüşə olması üçün kişilər gündə 2.5 litr, sağlam qadınlar isə gündə 2 litr həcmində su qəbul etməlidir.

Yaşıl çay həm bədənin toksinlərdən təmizlənməsi, həm də metabolizmi sürətləndirmək mövzusundakı təsirləri ilə ön plana çıxır. Yaşıl çayın içində olan katexin adı verilən güclü antioksidant maddələr dərini qoruyan və nəm balansını artıran təsirli maddədir”. [xfgiven_embed] [/xfgiven_embed] [xfgiven_youtube][/xfgiven_youtube]

OXŞAR XƏBƏRLƏR
Aytən Səfərovanın düşdüyü qəzada ölən Ayxan tələbə imiş - FOTO
Aytən Səfərovanın düşdüyü qəzada ölən Ayxan tələbə imiş - FOTO
Xankəndidə silah-sursat aşkarlanıb
Xankəndidə silah-sursat aşkarlanıb
Aytən Səfərovanın düşdüyü qəza ilə bağlı TƏBİB-dən AÇIQLAMA - YENİLƏNİB + VİDEO
Aytən Səfərovanın düşdüyü qəza ilə bağlı TƏBİB-dən AÇIQLAMA - YENİLƏNİB + VİDEO
Dollar bahalaşır: Valyuta bazarında GÖZLƏNTİLƏR nədir? - FOTO
Dollar bahalaşır: Valyuta bazarında GÖZLƏNTİLƏR nədir? - FOTO
Bir sıra məhkəmələrə sədr və hakimlər təyin edilib - SƏRƏNCAM
Bir sıra məhkəmələrə sədr və hakimlər təyin edilib - SƏRƏNCAM
Həftəsonu 35 kiloqramdan artıq narkotik vasitə dövriyyədən çıxarılıb
Həftəsonu 35 kiloqramdan artıq narkotik vasitə dövriyyədən çıxarılıb
Ölkə ərazisində hava şəraiti yağıntılı olub, dağlıq ərazilərə qar yağıb - FAKTİKİ HAVA
Ölkə ərazisində hava şəraiti yağıntılı olub, dağlıq ərazilərə qar yağıb - FAKTİKİ HAVA
Bakıda binanın arxasında naməlum qadın meyiti tapıldı
Bakıda binanın arxasında naməlum qadın meyiti tapıldı