Bəylər Əyyubovun şou-biznes qadağalı rəis qohumu işdən çıxarıldı

Bir neçə gün əvvəl Criminal.az saytı Bakının Nərimanov rayon Polis İdarəsinin rəisi İsmayıl Əsədovun şou-biznes nümayəndələri və idmançılarla sosial şəbəkələrdə yayılmış şəkillərinə görə rəhbərlik tərəfindən xəbərdarlıq edilməsi barədə xəbər vermişdik. İ.Əsədovun müğənni Gülay Zeynalovanın həyat yoldaşı, idmançı Kamil Zeynallı və digərləri ilə ayrı-ayrı restoranlarda şəkilləri paylaşılıb. Bu isə polis rəhbərliyi tərəfindən yaxşı qarşılanmayıb.

Bu gün isə İ.Əsədovun vəzifəsindən azad olunması xəbəri yayılıb. Reportyor.tv xəbər verir ki, daxili işlər naziri, generel-polkovnik Ramil Usubovun əmri ilə polis- polkovniki İsmayıl Əsədov Nərimanov rayonunun rəisi vəzifəsindən azad olunub.

Bunu da oxu: Bakının məhşur polis rəisinə şou-biznes qadağası - FOTO
İ. Əsədov ölkənin tanınmış polis zabitlərindəndir. O, Bakının bir neçə rayonunda polis rəisi vəzifəsini tutub. Onun bu vəzifədən azad edilməyi isə gözlənilməzdir. Çünki İsmayıl Əsədov bu vəzifəyə bir il öncə təyin ounmuşdu. Onun hansı vəzifəyə təyin olunacağı hələ bilinmir. Nərimanov rayon Polis İdarəsinin yeni rəisinin kim olduğu haqda da əlavə məlumat yoxdur.

Məlumat üçün bildirək ki, İ.Əsədov Xüsusi Dövlət Mühafizə Xidmətinin rəis müavini, general-polkovnik Bəylər Əyyubovun xalası oğludur. [xfgiven_embed] [/xfgiven_embed] [xfgiven_youtube][/xfgiven_youtube]