Pokemon toplayarkən 3-cü ölüm faktı - Üç ölkə qadağan etdi

San-Fransiskodan olan tələbə pokemon toplayarkən parkda öldürülüb.

“Qafqazinfo” xarici KİV-ə istinadən xəbər verir ki, hazırda dünyada məşhur olan mobil telefon oyununu oynayan 20 yaşlı tələbə naməlum şəxs tərəfindən kürəyindən açılan atəşlə qətlə yetirilib.

Gənc hadisə yerində ölüb, qatil isə gizlənməyə müvəffəq olub.

Xatırladaq ki, bu oyun zmanı yaşanan ilk ölüm faktı deyil. Florida və Qvatemalada pokemon toplamaq üçün evlərə iznsiz girən gənclər ev sahibləri tərəfindən öldürülmüşdülər.

Qısa müddətdə bütün dünyaya yayılan oyuna artıq bəzi ölkələr qadağa qoyub, bəziləri isə bu populyarlığı biznesə çevirməyin yollarını düşünür. Belə ki, Sinqapurda pokemon ovçularına şəxsi sürücü xidməti təklif edilir. Sürücü ilə avtomobilin kirayəsi 22 dollara başa gəlir.

Qeyd edək ki, İndoneziya hökuməti məktəblilərin Pokemon Go oynamasına qadağa qayub. Malayziyanın dini hökuməti isə müsəlman krallığında bu oyunun oynanılmasını qadağan edib.

Qadağanı ilk tətbiq edən ölkə isə İran olub.

Əlaqə üçün E-mail: info@qafqazinfo.az [xfgiven_embed] [/xfgiven_embed] [xfgiven_youtube][/xfgiven_youtube]