Gəncə şəhərində Aygül Orucovanın “Yeni Gəncə” tibb mərkəzində burundan estetik əməliyyat olunarkən vəfat etməsi hadisəsi ilə bağlı cinayət işi açılıb.
Bu barədə Gəncə şəhər prokurorluğundan məlumat verilib.
Bildirilir ki, avqustun 23-də Gəncə şəhər sakini, 1999-cu il təvəllüdlü Aygül Orucovanın “Yeni Gəncə” tibb mərkəzində burundan estetik əməliyyat olunarkən vəfat etməsi barədə Gəncə şəhər prokurorluğuna daxil olmuş məlumat araşdırılıb.
Araşdırma zamanı toplanmış materialda A.Orucovanın ehtiyatsızlıqdan öldürülməsi cinayətinin əlamətləri mövcud olduğundan fakta görə şəhər prokurorluğunda Cinayət Məcəlləsinin 124.1-ci (ehtiyatsızlıqdan adam öldürmə) maddəsilə cinayət işi başlanmışdır.
Ölümün səbəblərinin müəyyən edilməsi üçün məhkəmə-tibbi ekspertizası təyin edilmiş və digər zəruri istintaq tədbirləri aparılmışdır. Hazırda iş üzrə istintaq tədbirləri davam etdirilir. (“Trend”)
[xfgiven_embed] [/xfgiven_embed]
[xfgiven_youtube][/xfgiven_youtube]
Əməliyyat zamanı dünyasını dəyişən qızın ölüm səbəbi AÇIQLANDI
Həbsxanadakı intihara görə cinayət işi açıldı
Gəncədə oğru dəstəsi zərərsizləşdirildi
Oğluyla birləşib bacısını...- dəhşətli cinayət ARAŞDIRILIR
Ana və 7 yaşlı qızı bıçaqlandı - Gəncədə
