Lənkəran rayonunda zəhərlənənlərdən 10 nəfərinin vəziyyəti ağırdır.
"Report"un Cənub bürosunun məlumatına görə, Lənkəran Rayon Mərkəzi Xəstəxanasının (RMX) İnfeksion şöbəsinə yerləşdirilən 59 nəfərdən 49 nəfər ambulator mualicəyə buraxılıb.
"Digər 10 nəfər isə nəzarət altındadır", - xəstəxanadan bildirilib.
Xatırladaq ki, sentyabrın 5-də Lənkəran Rayon Mərkəzi Xəstəxanasının İnfeksion şöbəsinə zəhərlənmə diaqnozu ilə 59 nəfər daxil olub. Xəstələrin əksəriyyətini 3-12 yaş arası uşaqlar təşkil edir. Onların arasında 2 nəfər böyük də olub.
Səhiyyə Nazirliyinin Gigiyena və Epidemiologiya Mərkəzinin Qidalanma gigiyenası şöbəsinin müdiri İmran Abdullayevin "Report"a verdiyi açıqlamaya görə, zəhərlənmənin kənd ərazisindəki içməli su mənbəyinin başqa bir mənbə ilə qarışması nəticəsində baş verdiyi ehtimal olunur. O hazırda nümunələrin Bakıya göndərildiyini və yalnız müayinənin nəticələrindən sonra dəqiq diaqnoz söyləməyin mümkün olduğunu deyib.
[xfgiven_embed] [/xfgiven_embed]
[xfgiven_youtube][/xfgiven_youtube]
Lənkəranda 50-yə yaxın uşaq zəhərləndi
Lənkəranda bir ailənin 3 üzvü avtomobillə vurulub, 8 yaşlı qız ölüb - FOTO
Lənkəran-Lerik şosesində minik avtomobili dərəyə aşıb
Son 5 ayda 39 nəfər dərmandan zəhərlənib
Lerik sakininin qulağını kəsməkdə şübhəli bilinən iki nəfər saxlanılıb
