Bakıda boğazından bıçaqlanan gənc polisi aldatmaq istədi

Bölmə: Hadisə

22 sentyabr 2016 11:32 Baxanlar: 279 Şərhlər: 0 Çap et

Bakının Sabunçu rayonunda qanlı hadisə baş verib. Criminal.az-ın “musavat.com”-a istinadən xəbərinə görə, Bilgəh qəsəbəsinin Üzeyir Hacıbəyov küçəsində yaşayan 27 yaşlı Əli Əmrəli oğlu Cəlilov boğaz nahiyəsindən kəsilmiş xəsarətlərlə xəstəxanaya gətirilib. Yaralı dərhal əməliyyata götürülüb.

Həkimlər onun həyatını xilas edə biliblər. Hadisə barədə xəbər tutan Sabunçu Rayon Polis İdarəsinin 14-cü Polis Bölməsinin əməkdaşları araşdırmalara başlayıblar.

Yaralı özü xəsarəti üstünə şüşə düşməsi nəticəsində aldığını deyib. Lakin həkimlər xəsarətin forma və xüsusiyyətinə görə bıçaqlanma nəticəsində alındığını bildiriblər. Hadisənin hansı səbəbdən və şəraitdə baş verməsi aparılan araşdırmalar nəticəsində məlum olacaq.

Muəllif: Məmmədova Sahibə

Hörmətli istifadəçi,siz sayta qeydiyyatsız istifadəçi kimi daxil olmusunuz. Biz sizə saytımızdan tam istidadə edə bilməniz üçün qeydiyyatdan keçməyi təklif edirik.