Azərbaycanlı aparıcı qəzaya düşdü - FOTO

Türkiyənin TRT kanalının Azərbaycan təmsilçiliyinin əməkdaşı, aparıcı Arzu Ümid avtomobil qəzası keçirib.
"Korrupsiya və Qanun" qəzeti axşam.az-a istinadən xəbər verir ki, aparıcı hadisənin çəkilişə gedərkən yolda baş verdiyini bildirib:
"Mənim üçün narahat olan dostlarım, doğmalarım və dəyərli izləyicilərim. Yeni layihə ilə bağlı çəkilişlərə neçə vaxt idi start vermişdik. Qəzadan sonra çəkilişlərə ara verdik. Bir neçə gün əvvəl komandamızla çəkilişə gedən vaxt başımıza bu qəza gəldi. Maşında mənimlə yanaşı, 2 əməkdaşımız da yüngül bədən xəsarəti aldı. Ən ağır xəsarəti isə mən almışam. Biləyim və barmağım bir neçə yerdən çatlayıb. Allah hər kəsi qorusun... Sükan arxasına əyləşənlər, diqqətli olun. Doğrudan da, ölüm qaşla göz arasındadır. 3 gecədir, ağrılardan yata bilmirəm. Dua edin ki, tez bir zamanda bu sarğılardan və zədə almış barmağımın gipsindən xilas olum. Yarıda qalan yeni layihəmin ilk buraxılışı üçün çəkilişlərə başlayım. Mənəvi dəstəyinizə çox ehtiyacım var". [xfgiven_embed] [/xfgiven_embed] [xfgiven_youtube][/xfgiven_youtube]