APREL ŞƏHİDİMİZ HAQQINDA ÖZ YOLDAŞI DANIŞDI

Şəhid olmamışdan bir saat öncə görüşdük və sonra isə şəhid xəbəri gəldi”
ONN media xəbər verir ki, bunu aprel döyüşlərinin qazisi gizir Sərxan Məmmədov şəhid gizirimiz Elimdar Səfərov haqqında danışarkən deyib. S.Məmmədov onların çox yaxın dost olduqlarını bildirib:
“Elimdarla səkkiz il bir otaqda qalmışıq. Bu səkkiz il ərzində çox əhvalatlarımız olub. Bir dəfə dənizkənarı bulvarda gəzəndə bir qızla oğlan ətrafdakıları nəzərə almadan nalayiq hərəkətlər edirdilər. Onda Elimdar oğlanı çağırıb ona iradını bildirdi. Şəhərdə gəzirdik və ikimiz də kostyum geyinmişdik. Ağsaqqal bir kişi yaxınlaşıb dedi ki, “Mən fəxr edirəm ki, vətənin sizin kimi oğlanları var. İndi gənclərin çoxu elə geyinir ki, adam utanır”. Aprel döyüşlərində də erməni səngərindəydik. Xəbər gəldi ki, Elimdarın mərmisi qurtarıb. Mən mərmini göndərəndə gördüm ki, o, özü gəlib. Dedim ki, özün niyə gəlirdin, onsuz da indi yollayırdım. Mərmini götürüb tez getdi və çox keçmədi ki, şəhid oldu. Onda çox pis oldum, çünki ən yaxın dostumu, qardaşımı itirdim”.
Qeyd edək ki, bu gün şəhid gizirimiz Elimdar Səfərovun doğum günüdür.
Allah cəmi şəhidlərimizə rəhmət eləsin! [xfgiven_embed] [/xfgiven_embed] [xfgiven_youtube][/xfgiven_youtube]