Azərbaycan İdeyası

“Növbəti mərhələyə maksimum hazır olmağa çalışacağıq” - Qurban Qurbanov

Tarix:18-07-2019, 10:30
Baxış Sayı:186

KORRUPSİYA-Q.AZ
"Futbolçularıma təşəkkür edirəm. Bu gün çox səbirli oynadılar və lazım olan anda hücum etdilər".

Unikal.org apa-ya istinadən xəbər verir ki, bunu "Qarabağ"ın baş məşqçisi Qurban Qurbanov deyib.

Çempionlar Liqasının I təsnifat mərhələsində Albaniya çempionu "Partizani" ilə səfərdə qolsuz bərabərə qalan Azərbaycan çempionu cavab qarşılaşmasında 2:0 hesabı ilə qalib gələrək, yoluna davam edib.

Qarşılaşmadan sonra təşkil edilən mətbuat konfransında Q. Qurbanov bildirib ki, komandası baxımlı oyun göstərib: "İlk turlarda görüşdüyümüz ən çətin rəqiblərdən biri idi. "Partizani" müdafiə olunmaqdan həzz alırdı və çox sürətli əks-hücumlar edirdi. Rəqibə də uğurlar arzulayıram. Azarkeşlərimizə isə bizi dəstəklədiyi üçün təşəkkür edirəm".

- İlk oyundan sonra tənqidlər var idi ki, komanda meydanda ağır görünür. Bu gün isə futbolçular sürətli idi. Doğrudanmı, bir həftə ərzində bu qədər dəyişiklik oldu?


- Açığı, tənqid görməmişəm. Hazırlıq prosesindən sonra futbolçuların hazırlıq durumu bir-birindən fərqli olur. Bunu qəbul edirik. Digər tərəfdən bəzi oyunçular kollektivə gec qoşuldular. Fərqli hazırlıq oldu. Nə qədər məşq etsək də, oyundan-oyuna artım olur. Bir qədər səbirli olmalıyıq ki, futbolçular yaxşı formanı bərpa etsinlər.

- Son iki transferin hər ikisini növbəti mərhələ üçün sifariş edəcəksiniz?

- Məncə, bunda elə bir problem olmamalıdır.

- Bədavi Hüseynovun durumu nə yerdədir?

- Sual altındadır. Növbəti mərhələnin cavab oyununu da buraxa bilər.

- Mərkəz müdafiəçisi transferi düşünmürsünüz?

- Legionerləri də gətirib doldurmaqla deyil. Müdafiənin hər iki cinahına legioner gətirmişik. Lazım olanda Maksim Medvedevi də mərkəzə çəkəcəyik. İnşallah, bir problem olmaz.

- Növbəti rəqib "Dandalk" oldu. Bu barədə nə deyə bilərsiniz?

- Məncə, nəsə demək hələ tezdir. Rəqibi daha yaxından tanıdıqdan sonra ətraflı məlumat vermək olar. Uzaq səfərə çıxacağıq. Bu da futbolçularda yorğunluq yaradacaq. Buna baxmayaraq, növbəti mərhələyə də maksimum hazır olmağa çalışacağıq.

- Qol vəziyyətlərini boşa vermək nə ilə bağlıdır?

- Rəqibin oyunçularını da nəzərə almaq lazımdı. Qol buraxmamaq üçün hər şeyi etdilər. Futbolda belə hallar olur. Bəzən 4-5 epizodu qaçıra bilirsən. Bəzən isə bir şansın olur, onda da fərqlənirsən.

- "Qarabağ" adətən təmkinli oynayır. Bu dəfə isə hücumameyilli çıxış etdiniz. Bu, oyun üslubunuzdakı dəyişikliklə bağlıdır?

- Bu gün çox topa sahib olduq. Səfərdəki matçda da rəqib zonaları boş qoymurdu. O qədər də hücumlarımız olmamışdı. Amma doğma meydanda azarkeş dəstəyi ilə futbolçular daha inamlı olur.

- Ailton Silva ilk rəsmi oyununa çıxdı. O, Donald Geryenin boşluğunu doldura biləcəkmi?

- Normal oynadı. Ailton yaxşı formasından uzaqdır. Oyun təcrübəsi də azdı. Son rəsmi oyununu səhv etmirəmsə martda oynamışdı. Yaşı da azdı. Futbolçuları müqayisə etmək istəməzdim. Hər bir oyunçunun öz potensialı var. Ailtonda bu gün heç də pis alınmadı. Yavaş-yavaş qaydasına düşəcəyini düşünürəm.
[xfgiven_embed] [/xfgiven_embed] [xfgiven_youtube][/xfgiven_youtube]

OXŞAR XƏBƏRLƏR
İranda yaşayan azərbaycanlının müraciəti.
İranda yaşayan azərbaycanlının müraciəti.
İranda yaşayan azərbaycanlının müraciəti.
İranda yaşayan azərbaycanlının müraciəti.
Təbrik Edirik!+FOTO!
Təbrik Edirik!+FOTO!
Moskvada məşhur ticarət mərkəzində silahlı insident:– FOTO/VİDEO
Moskvada məşhur ticarət mərkəzində silahlı insident:– FOTO/VİDEO
Sabahdan Azərbaycanda Novruz bayramı ilə əlaqədar tətil başa çatır
Sabahdan Azərbaycanda Novruz bayramı ilə əlaqədar tətil başa çatır
Məmmədli icra nümayəndəliyinin qoçuları vətəndaşın mülkiyyətində olduğu torpaq sahəsində ev tikməsinə mane olur.
Məmmədli icra nümayəndəliyinin qoçuları vətəndaşın mülkiyyətində olduğu torpaq sahəsində ev tikməsinə mane olur.
Azərbaycanda ilk dəfə “Ən tez xidmət” mərkəzi yaradılıb
Azərbaycanda ilk dəfə “Ən tez xidmət” mərkəzi yaradılıb
Qəza törədən 21 yaşlı tələbəyə HÖKM OXUNDU
Qəza törədən 21 yaşlı tələbəyə HÖKM OXUNDU