"Vaxtı gəldi" verilişində qonaq olan Aynişan Quliyeva ilk dəfə Ağdərə döyüşlərində həlak olan atası Xalid Quliyev haqqında danışıb.

Korrupsiya-q.az xəbər verir ki, atasını bir yaşında itirən Aynişan verilişdə göz yaşlarına hakim ola bilməyib: "Uşaqlıqda məhləyə düşəndə bütün uşaqlar əylənirdi, mənsə bir ağac altında oturub sadəcə düşünürdüm. Bunu insan danışa bilmir, danışılası bir şey deyil, çünki səni anlamaq üçün gərək o insan o acını yaşasın. Amma mən atamı həmişə təsvir edirdim, həmişə istəyirdim ki, yuxuma girsin, amma heç vaxt yuxuma girməyib... Həyatım atamı təsvir etməklə keçib, çünki atamla heç bir xatirəm yoxdur".
Bloger dünən instaqramda paylaşdığı postlarda ata yurudu sayılan Qubadlının işğaldan azad olunması münasibəti ilə hər kəsi təbrik edib.
"Gözün aydın, Azərbaycan! Qubadlı bizdədi! Ruhunun şad olan günüdü, Atam!
Son günlər bir çox şeyi dərk etdim... Lazımsız şeyləri dərd etdiyimi və bu həyatın 5 gün və ya bəzən daha da az ola biləcəyini. Və bundan sonra hər günümü doya-doya yaşamaq istəyirəm. Hazırda damarında Azərbaycan qanı axan insan bivec ola bilməz, bu, mümkün deyil... Hər birimizin bir gözü gülürsə, bir gözü ağlayır.
Ümid edirəm tezliklə gözəl günlər yaşaya bilərik... Çünki yaxşı günü yaşamaq üçün birinci dibi görməlisən... Gecedən sonra səhər gəlir, bunu unutmayaq". (publika.az)
[xfgiven_embed] [/xfgiven_embed] [xfgiven_youtube][/xfgiven_youtube]