Bakıda "Soyuq əllər, İsti ürək: Mələklər" adlı xeyriyyə yarmarkası keçiriləcək

2015-ci il 1-31 dekabr tarixlərində "Nargis" Fondunun təşkilatçılığı ilə Fəvvarələr meydanında keçiriləcək "Soyuq əllər, İsti ürək: Mələklər" adlı xeyriyyə yarmarkasının "Mələklər"i sırasına "Carrousel Chocolatier" şokolad butiki qoşulub. Bir ay ərzində ən dadlı şokoladlardan və digər şirniyyatlardan dadaraq, yaxınlarınız üçün əla hədiyyələr əldə edə biləcəksiniz.
Xatırladaq ki, "Soyuq əllər, İsti ürək" xeyriyyə yarmarkasından əldə olunan vəsait ənənəyə uyğun olaraq, müalicəyə və əməliyyata ehtiyacı olan uşaqlara sərf ediləcək. Bu il xeyriyyə yarmarkasında təşkilatçılara ehtiyacı olan uşaqların müalicəsinin və əyləncəsinin həyata keçirilməsinə laqeyd qalmayan könüllülər komandası kömək edəcək. "Nargis" Fondu könüllülərin "Mələklər" (We are Angels) kimi tanınacaqlarını elan edib. Könüllülərin cəlb olunması prosesinə artıq start verilib və qeydiyyat noyabr ayının 20-dək davam edəcək.
Qeyd edək ki, "Mələklər" sırasında "Carrousel Chocolatier" şokolad butikindən başqa, "Ambassade de la Beaute" gözəllik səfirliyi, "Xəzər-Lənkəran" futbol klubu, "Amapola" tədbirlərin təşkili şirkəti də var.
"Soyuq Əllər, İsti Ürək" xeyriyyə yarmarkası haqqında daha ətraflı məlumatı tədbirin rəsmi səhifələrindən əldə edə bilərsiniz:

Instagram: Soyuqelleristiurek

Facebook: https://www.facebook.com/soyuqelleristiurek/info/?tab=page_info

İnformasiya dəstəyi - Trend, Day.Az, Milli.Az [xfgiven_embed] [/xfgiven_embed] [xfgiven_youtube][/xfgiven_youtube]