Sumqayıt Apellyasiya Məhkəməsində xuliqanlıq niyyəti ilə adam öldürməkdə təqsirləndirilən Mahir Həsənovun barəsindəki hökmdən verilən apellyasiya şikayəti üzrə məhkəmə iclası başa çatıb.
Əldə etdiyimiz məlumata görə, hakim Elman Əhmədovun sədrliyi ilə keçirilən prosesdə qərar elan olunub. Qərara əsasən, şikayət təmin edilməyib.
Sumqayıt Ağır Cinayətlər Məhkəməsinin hökmü ilə o, 17 il 6 ay müddətinə azadlıqdan məhrumetmə cəzasına məhkum edilib.
Qeyd edək ki, ötən il fevralın 9-da saat 10 radələrində Sumqayıt şəhər sakini 1977-ci il təvəllüdlü Nazim Məmmədov şəhərin 18-ci mikrorayon ərazisində öldürülüb. Belə ki, zərərçəkmişin tanışı, 1979-cu il təvəllüdlü Mahir Həsənov şəxsi münasibətlər zəminində aralarında yaranmış mübahisə zamanı bıçaqla Nazim Məmmədova xəsarət yetirərək onu qəsdən öldürüb. Onun barəsində Cinayət Məcəlləsinin 120.2.2-ci (xuliqanlıq niyyəti ilə adam öldürmə) maddəsi ilə ittiham irəli sürülüb. Mahir Həsənov şübhəli şəxs qismində tutularaq istintaqa cəlb edilib. O, məhkəmə ifadəsində deyib ki, hadisədən əvvəl Nazim Məmmədov küçədə ona tərs-tərs baxıb və o, bundan narahat olub. Bundan sonra aralarında mübahisə yaranıb. Nəticədə Mahir Nazimi qətlə yetirib.
Arvadının başını kəsib, oğluna xəsarət yetirən şəxslə bağlı QƏRAR
Məhkəmə Azərbaycanın keçmiş Baş prokuror müavini ilə bağlı qərar verdi
Tanışını qətlə yetirən şəxsə hökm oxunub
Nəvəsinin ölümündə günahlandırılan nənə ilə bağlı qərar verildi
Arvadını öldürən hakim və qayınatası Ali Məhkəməyə müraciət edib
