Nizami rayonu, “8-ci kilometr” qəsəbəsinin ərazisində xüsusi karantin rejimi qaydalarına zidd olaraq gizli fəaliyyət göstərən “PlayStation” oyun zalı aşkar edilib.
Daxili İşlər Nazirliyi Əlahiddə Çevik Polis Alayının əməkdaşları tərəfindən keçirilən tədbir zamanı qəsəbə ərazisində Bəhruz Niriyev, 39/41 ünvanında doqquzmərtəbəli binanın zirzəmisində “Play Station” salonunun işlədiyi məlum olub.
Obyektə baxış zamanı 12 nəfər müştərinin xüsusi karantin qaydalarını pozaraq, oyun zalında olduqları aşkar edilib. Obyektin sahibi və müştərilər saxlanılaraq, ərazi üzrə Nizami RPİ-nin 24-cü Polis Şöbəsinə gətiriliblər.
Xüsusi karantin qaydalarını pozan obyekt sahibi və müştərilən barəsində Polis Şöbəsində İnzibati Xətalar Məcəlləsinin 211-ci maddəsi ilə tədbir görülərək, onlar inzibati qaydada ciddi şəkildə cəzalandırılıblar.
Bakıda özünü jurnalist kimi təqdim edən salon rəhbəri cərimələndi (FOTOLAR)
Zaqatalada karantin qaydalarını pozan çayxana aşkar edildi
Bakıda dəniz kənarında karantin qaydalarını pozan kafe aşkarlandı (FOTO)
Karantin rejimini pozan 56871 nəfər cərimələnib - RƏSMİ
Bakıda karantin qaydalarını pozan kafe aşkarlandı, 7 nəfər saxlanıldı
