Bir ailənin üç üzvünü bıçaqlayan şəxs ƏLƏ KEÇDİ

Ötən gün bir ailənin üç üzvünü bıçaqlayan şəxs tutulub.

Bununla bağlı DİN-in Mətbuat Xidmətinin Gəncə regional qrupunun baş inspektoru polis kapitanı Eşqin Qasımov məlumat verib.


O bildirib ki, Gəncə Şəhər Baş Polis İdarəsinin 1-ci Polis Şöbəsinin əməkdaşları hadisəni törətməkdə şübhəli bilinən Babək Nəsirovu Sumqayıt şəhərində saxlayaraq istintaqa təhvil veriblər.

Qeyd edək ki, ötən gün 1993-cü il təvəllüdlü Elnurə Əlimardanova,1980-ci il təvəllüdlü Elşən Əlimərdanov və 1992-ci il təvəllüdlü Elnur Əlimərdanov bıçaqlanma diaqnozu ilə xəstəxanaya yerləşdirilib və cərrahiyyə əməliyyatı olunublar.

Həmin şəxsləri Elnurə Əlimərdanovanın keçmiş həyat yoldaşı Babək Nəsirov yaşadıqları evdə bıçaqlayıb.