Vergilər azaldılsa, maaşlar artacaq - TƏKLİF

Milli Məclisin deputatı Vüqar Bayramov gəlir vergisindən azad edilən məbləğin artırılmasının daha geniş təsir mexanizmi yaradacağını bildirib.

Onun fikrincə, vergidən azadolma həddinin 200 manatdan 400 manata qaldırılması 2 500 manatadək maaş alan şəxslərin gəlirlərinin artmasına gətirib çıxara bilər.

Deputat həmçinin qeyd edib ki, dövlət sektorunda gəlir vergisi intervalları uzun müddətdir dəyişmədiyindən, iqtisadi artıma uyğun olaraq 2 500 manatlıq həddin 4 000 manata qədər artırılması daha məqsədəuyğun olardı.

"Bu dəyişiklik dövlət sektorunda əməkhaqqı artımını stimullaşdıracaq",- parklament üzvü əlavə edib.