Azərbaycanda zavodda yanğın baş verdi - SON DURUM

İmişli Şəkər Zavodunda yanğın təmir işləri aparılan boş anbarda baş verib.

Fövqəladə Hallar Nazirliyinin İmişli Rayon Dövlət Yanğından Mühafizə Hissəsinin şəxsi heyəti və texnikası hadisəyə müdaxilə edərək yanğını söndürüblər.

Hadisə nəticəsində xəsarət alan olmayıb. Zavodda saxlanılan şəkər ehtiyatlarına hər hansı zərər dəyməyib.

27 sentyabr, 23:28

İmişli Şəkər Zavodunun ərazisində yanğın hadisəsi baş verib.

Hadisə zavodun anbarlarından birində qeydə alınıb.

Hadisə yerinə İmişli Rayon Dövlət Yanğından Mühafizə Hissəsinin 4 texnikası və şəxsi heyəti cəlb olunub.

Bundan əlavə, yanğının söndürülməsi üçün Biləsuvar, Kürdəmir, Sabirabad, Şirvan və Saatlı rayonlarından yanğınsöndürən avtomobillər və şəxsi heyət hadisə yerinə cəlb edilib.

Görülən tədbirlər nəticəsində yanğın söndürülüb.

Tibbi Ərazi Bölmələrini İdarəetmə Birliyindən (TƏBİB) sorğuya cavab olaraq bildirilib ki, yanğınla bağlı xəstəxanaya müraciət daxil olmayıb.

Hadisə ilə bağlı araşdırma aparılır.