Uşaq 2 gün meşədə qalıb...
Avqustun 28-də Qubada xınayaxdı mərasimində yoxa çıxan 5 yaşlı Natiq Əliyev tapılıb.
Bu barədə “Qafqazinfo”ya ailənin yaxınları məlumat verib.
Qeyd edək ki, hadisə Qubanın Əski İqriq kənd ərazisində olan istirahət mərkəzlərindən birində baş verib.
***
"Qafqazinfo"nun əldə etdiyi məlumata görə, uşaq bu gün meşədə tapılıb:
"Hazırda vəziyyəti yaxşı deyil və həkim nəzarəti altındadır. Hər hansı bir qaçırılma faktı yoxdur. Özü gəzə-gəzə meşəyə gedib, sonra da qayıtmaq üçün yolu tapmayıb. Bir çuxurda paltarlarını başının altına qoyub yatıb. Orada olan FHN əməkdaşları və kənd camaatı uşağı tapıb. Hazırda Qubanın Mərkəzi Xəstəxanasındadır".
***
DİN açıqlamasında qeyd edib ki, ikigünlük gərgin axtarışlar öz bəhrəsini verib. Bu gün, yəni avqustun 30-da saat 9 radələrində N.Əlizadə meşə zolağının 6 kilometr dərinliyində tapılıb. O, zəruri tibbi yardım göstərilməsi üçün dərhal Rayon Mərkəzi Xəstəxanasına gətirilib və burada müvafiq müayinələrdən keçirilib.
İki gün ərzində ac-susuz, köməksiz vəziyyətdə qalmış azyaşlı ailələrinə təhvil verilib.
Meşədə qanunsuz at kəsimi aşkarlandı - 150 kq
Küçədən azyaşlı qız tapılıb
Bakıda azyaşlı uşaq balkondan düşdü Xəstəxanadan bildirdilər ki, azyaşlının vəziyyəti ağırdır.
7 yaşlı uşaq ehtiyatsızlıqdan ağır xəsarət aldı
