Qripdən öldüyü deyilən idmançının qardaşından ilginc iddia: "Xamis xəstəlikdən ölmədi" Read more: https://sputnik.az/incidents/20190128/419133099/vefat-eden-idmancinin-qardashindan-iddia.html

Səhiyyə Nazirliyi: Yaxınları meyitin tibbi ekspertizaya göndərilməsinə qəti etiraz edib

Xəbər verdiyimiz kimi, qaydasız döyüş üzrə dünya çempionu Xamis Məmmədov dünyasını dəyişib. Dünəndən bəri bəziləri idmançının qripdən, daha dəqiq desək, H1N1 virusundan, yəni "donuz qripi"ndən vəfat etdiyini iddia edirlər.

Xamis Məmmədov
Sputnik Azərbaycan-ın əməkdaşı idmançının qardaşı Xəlil Məmmədovla əlaqə saxlayaraq yazılanlara aydınlıq gətirməyə çalışıb. X.Məmmədov bildirib ki, qardaşı bir neçə gün öncə buxar vannası (parnoy) qəbul etdikdən sonra ağciyərləri möhkəm soyuqlayıbmış.
"Ötən cümə axşamı vəziyyəti ağırlaşıb, özünü yaxşı hiss eləməyib və Sabunçu xəstəxanasına (3 saylı Şəhər Klinik Xəstəxana – red.) müraciət edib. Həkimlər müayinə edərək bildiriblər ki, ciyərlərində ləkə var. Buna görə də müalicə olunmaq üçün xəstəxanada yatmalıdır. Mən qardaşımı özəl xəstəxanaya aparmaq istəsəm də, o, evinə yaxın olduğu üçün Sabunçu xəstəxanasında qalmağı israr etdi. Həkimlər də Xamisdə ciddi problem olmadığını, 10 gün müalicə alacağını, hərarətinin düşəcəyini bildirdilər" – deyə o, qeyd edib.