Azərbaycan cüdoçusu Murad Fətiyev Gürcüstanın paytaxtı Tbilisidə keçirilən “Böyük Dəbilqə” yarışında bürünc medal qazanıb.
Oxu.Az xəbər verir, 81 kq çəki dərəcəsində mübarizə aparan idmançı Antuan Valya-Fortye (Kanada) ilə üz-üzə gəlməli idi.
Rəqib görüşə çıxmadığı üçün Fətiyev qalib elan olunub.
Qeyd edək ki, ilk yarış günündə 60 kq çəki dərəcəsində Kəramət Hüseynov bürünc medal əldə edib. Onun da rəqibi qarşılaşmaya çıxmamışdı.
Böyük Dəbilqəyə martın 28-də yekun vurulacaq. Azərbaycan turnirdə 11 cüdoçu ilə təmsil olunur.
16:26
Gürcüstanın paytaxtı Tbilisidə keçirilən “Böyük Dəbilqə” yarışında Azərbaycanın daha bir cüdoçusu medal qazana bilər.
Bu, 81 kq çəki dərəcəsində yarışan Murad Fətiyevdir.
O, İsrail, İspaniya, Misirdən olan rəqiblərinə qalib gəlsə də, 1/4 finalda bu çəkidə son Avropa çempionu Tato Qriqalaşviliyə (Gürcüstan) uduzub. Daha sonra Murad Portuqaliyanın gürcü əsilli idmançısı Anri Equtidzeyə qalib gələrək bürünc medal uğrunda görüşə vəsiqə qazanıb. Fətiyevin bürünc medal üçün rəqibi Antuan Valua-Fortye (Kanada) olacaq.
Bu çəkidə digər idmançımız olan Zelim Tskayev isə İtaliyanı təmsil edən rəqibinə qalib gəlsə də, Moldovadan olan Dorin Qotonoaqaya uduzaraq mübarizəni dayandırıb.
Qeyd edək ki, dünən 60 kq çəki dərəcəsində Kəramət Hüseynov Azərbaycana bürünc medal qazandırıb.
Elnur Məmmədlinin bacısı oğlu Azərbaycana ilk medalı qazandırdı
Azərbaycan güləşçisi erməni rəqibini medalsız qoydu
RAFIQ HÜSEYNOV IKIQAT AVROPA ÇEMPIONU OLDU
Azərbaycanın beş güləşçisi Tbilisi Qran-prisinin finalına yüksəldi
Bu gün üç güləşçimiz medal görüşlərinə çıxacaq
