Ən çox bahalaşma Azərbaycanın bu rayonlarında qeydə alınıb – SİYAHI

Ən çox bahalaşma Siyəzəndə, ən az bahalaşma Naxçıvanda olub.

2020-ci ildə Azərbaycanda 2,8 faiz bahalaşma qeydə alınsa da qiymət artımları rayonlar üzrə fərqlənib. Dövlət Statistika Komitəsinin məlumatına görə, ötən il ən yüksək qiymət artımı Siyəzən rayonunda qeydə alınıb. Burada illik müqayisədə qiymətlər 7,2 faiz artıb.
Sfera.az bildirir ki, Siyəzən rayonundan başqa Lerik (7 faiz), Göyçay (6,8 faiz), Daşkəsən (6,4 faiz), Neftçala (6,4 faiz), Ağstafa (6,3 faiz), Gədəbəy (6,3 faiz), İmişli (6,3 faiz), Hacıqabul (6,3 faiz) rayonlarında qiymət artımı yüksək olub.
2020-ci ildə ən az bahalaşma Naxçıvan şəhərində qeydə alınıb. Naxçıvanda qiymətlər 0,6 faiz yüksəlib. Naxçıvanla bərabər Masallıda (1,4 faiz), Qusar rayonunda (1,8 faiz), Bakı şəhərində (2,3 faiz) bahalaşma aşağı səviyyədə olub.