Dünya bazarında neft UCUZLAŞDI

ABŞ və İran arasında anlaşma memorandumunun imzalanması xəbərləri fonunda neftin ucuzlaşması müşahidə olunub.

Bu barədə "İnterfaks" agentliyi məlumat yayıb.

Bakı vaxtı ilə saat 09:16-da Londonun ICE birjasında avqust ayına çatdırılma ilə "Brent" markalı neftin füçersləri 1.79 dollar (2.25%) ucuzlaşaraq bir barel üçün 77.76 dollara satılıb. Əvvəlki sessiyada isə "Brent" markalı neftin qiyməti 0.59 dollar (0.75%) artaraq bir barel üçün 79.55 dollar təşkil etmişdi.

Nyu-York Ticarət Birjasında (NYMEX) iyul ayına çatdırılma ilə WTI markalı xam neftin füçerslərinin qiyməti 1.99 dollar (2.59%) azalaraq bir barel üçün 74.80 dollar olub. Əvvəlki sessiyada WTI markalı xam neft 0.74 dollar (0.97%) bahalaşaraq bir barel üçün 76.79 dollara satılmışdı.