Aylıq telefon haqları 40-50 % enəcək - İyul ayından

Ölkədə telefon rabitəsi qiymətləri 50 faizədək enməlidir.
Korrupsiya və Qanun saytı yerli mediaya istinadla xəbər verir ki, İsraildə müxtəlif rabitə şirkətləri arasındakı sağlam rəqabət sayəsində qiymətlərin xeyli enəcəyi gözlənilir. Ölkənin rabitə bazarındakı islahatlar yeni mərhələyə qədəm qoyur. Razılaşmaya uyğun olaraq rabitə sahəsinin əsas inhisarçısı olan “Bezek” kompaniyası iyulun 17-dən öz konkurentlərinin telefon xətlərinə girişinə imkan verməlidir.
Bunun nəticəsində isə simli telefon rabitəsi üçün aylıq haqq 40-50 faiz ucuzlaşmalıdır. Ölkənin Rabitə Nazirliyindən bildirilib ki, “Bezek” öz rəqiblərinə telefon xətlərinə girişi ayda 16 şekel(təxm. 7,60 AZN) və telefondan bir dəqiqəlik zəngə görə 0,16(təxm. 76 qəpik) şekel qiymətinə verməyə borcludur. Hazırda “Bezek” şirkəti ayda vətəndaşdan 67 şekel (təxm. 32 AZN) telefon haqqı alır. İslahatlardan sonra isə bu qiymət cəmi 35-40 şekel(təxm.17-19 AZN) olmalıdır. “Bezek” şirkətinin əsas rəqibi “HOT” şirkətidir. [xfgiven_embed] [/xfgiven_embed] [xfgiven_youtube][/xfgiven_youtube]