Krediti olan şəxslər MÜTLƏQ OXUSUN - Bank böhranının yaşanacağı gözləniləndir

“Məmləkətdə iqtisadi aktivlik ancaq büdcə xərclərinə və istehlak kreditlərinə bağlıdır”.

Korrupsiya-q.az xəbər verir ki, bu sözləri iqtisadçı ekspert Natiq Cəfərli bildirib.
Ölkə iqtisadiyyatının mövcud vəziyyətini şərh edən iqtisadçıya görə, bank böhranının yaşanacağı gözləniləndir:
“Problemli kreditlərin həlli ilə bağlı prosedurun icrası bitdi. Rəsmi rəqəmlər və trendlər onu göstərir ki, yeni Bank böhranı ölkənin qapısını döyür. Azərbaycanda vaxtı keçmiş, problemli kreditlərin məbləği bu il avqustun birinə 1 487,4 milyon manat təşkil edib. Bu, keçən ayla müqayisədə 0,1% çoxdur. Yəni, problemli kreditlərin artması trendi var. Avqustun 1-nə bankların ümumi kredit portfelində vaxtı keçmiş kreditlərin xüsusi çəkisi 10,9% olub. Yəni, bu gün bank sektorunda 11% problemli kreditlər var. Dünya təcrübəsinə görə, vaxtı keçmiş kreditlər ümumi kredit portfelinin 3%-ni keçsə, artıq böhranlı vəziyyət yaranır, bankların vəziyyəti stress-testlərlə yenidən qiymətləndirilməlidir. Bizdə isə bu norma 3 dəfədən çox aşılıb”.
Kredit qoyuluşlarındakı artımın böyük hissəsi istehlak kreditlərinin artması ilə bağlıdır:
“İyun ayının sonu ilə müqayisədə iyulda ev təsərrüfatlarına verilən kreditlər 136,5 milyon manatdır. Ötən ilin sonu ilə müqayisədə cari ilin 7 ayı ərzində isə 618,7 milyon manat artaraq, 5 milyard 938,3 milyon manata çatıb. Ev təsərrüfatlarına, yəni istehlak krediti kimi verilən kreditlərin cəmi kredit qoyuluşlarında xüsusi çəkisi 43,4%-ə yüksəlib. Yəni, kreditlərin az qala yarısı istehlak kreditləridir"