Ərdoğandan qalmaqallı kürəkəninə Azərbaycanla bağlı yeni - Vəzifə

Türkiyənin bəzi ölkələrlə imzaladığı müqavilələrin nəzərdə tutduğu ikitərəfli ticarət və iqtisadi məsələlərin müzakirə olunduğu Müştərək İqtisadi Komissiyanın iclaslarına sədrlik edəcək nazirlərin siyahısı yenidən tərtib olunub.

AzNews.az Türkiyə KİV-lərinə istinadən xəbər verir ki, baş nazir Binəli Yıldırım imzasıyla dərc olunan sərəncam ilə Türkiyənin energetika və təbii ehtiyatlar naziri Berat Albayrak Türkiyə-Azərbaycan Hökumətlərarası Müştərək Komissiyasının həmsədri təyin edilib. Albayrak Türkiyə-Azərbaycan Hökumətlərarası Müştərək Komissiyası ilə yanaşı, Əlcəzair, Çin Xalq Respublikası, Liviya, Nigeriya, Uqanda və Venesuela ilə müştərək komissiyalara həmsədrlik edəcək.

Qeyd edək ki, Berat Albayrak Ərdoğanın kürəkənidir.

Xatırladaq ki, B.Albayrak bir müddət öncə sabiq baş nazir Əhməd Davudoğlunun vəzifədən getdiyi gün onun xanımının əlini sıxmamaqla gündəmə gəlmişdi.