"701"-N DÖYÜŞÇÜSÜ HƏLƏ DƏ HƏRBİ BİLETİNİ ALA BİLMƏYİB

Korrupsiya və qanun qazetinə daxil olan şikayət ərizələri ilə bağlı xəbərlər
Bakı şəhəri Ələt qəsəbəsi E. İmanov küçəsi, ev-1, mənzil-35-də yaşayan və qeydiyyatda olan Babayev Mail Şirməmməd oğlu redaksiyamıza müraciət edərək, bildirmişdir ki, 1993-cü ilin noyabr ayında Qaradağ rayonundan 701 saylı hərbi hissəyə xidmətə yollanmışdır. Murov dağında gedən döyüşlərdə iştyirak etmişdir. 1994-cü ilin yanvar ayında yanında mərmi partlamış və o, yaralanmışdır. Har-hazırda bir qulağı eşitmir.
"Məni hərbi hospitala gətirdilər və orada müalicə olunduqdan sonra otuz günlük məzuniyyətə buraxıldım. Məzuniyyətdən qayıtdıqdan sonra qulluq etdiyim 701 saylı hərbi hissəni tapa bilmədim. Artıq hərbi hissə tamamilə ləğv olunmçuşdu. Mən məzuniyyətdən sonra döyüş bölgəsində olduqda özümü pis hiss etdim, qayıdıb evimə gəldim və dərhal Qaradağ rayopn hərbi komissarlığına məlumat verdim, bildirdim ki, xidmət etdiyim hərbi hissəni tapa bilməmişəm. Mən Qaradağ rayon hərbi komissarlığından hərbi biletimi tələb etdikdə mənə bildirdilər ki, 701 saylı hərbi hissədə xidmət edənlərin hərbi biletlərindən ötrü Tərtər hərbi komissarlığına müraciət etmək lazımdır. Mən elə də etdim. Bu dəfə onlar bildirdilər ki. sizin hərbi biletinizi Respublika Müdafiə Nazirliyinin Arxivlər İdarəsinə göndərmişik. Həmin vaxtdan bəri dəfələrlə Müdafiə Nazirliyinə və nazirliyin Arxivlər İdarəsinə rəsmi müraciətlər etməyimə baxmayaraq, heç bir cavab verilməyib"
Redaksiyadan bu məsələnin ictimailəşdirilməsini, aidiyyati qurumların diqqətinə çatdırılmasını, ona köməklik göstərilməsini xahiş edən Babayev ərizəsinə 251 saylı hərbi hissədə xidmət keçdiyini və xəstələndiyini təsdiqləyən arayışları da qoşma etmişdir.