"Mercedes"lə iki piyadanı öldürdü

Azərbaycanda iki piyadanı maşın vurub.
"Korrupsiya və Qanun" qəzzetinin fikrinə istinadən APA-nın məlumatına görə, hadisə Quba-Dağıstan magistralının 6-cı kilometrliyində qeydə alınıb. Zahid Cəfərov idarə etdiyi "Mercedes" markalı maşınla yolu keçən piyadalar - 1981-ci il təvəllüdlü Dağlar Mikayılovu və 1974-cü il təvəllüdlü Fərrux Musayevi vurub. Nəticədə hər iki piyada aldığı xəsarətdən hadisə yerindəcə ölüb.
Faktla bağlı Baş Dövlət Yol Polisi İdarəsi tərəfindən cinayət işi başlanıb, istintaq gedir.