Ziya Məmmədov Neftçalada vətəndaşları qəbul edəcək

"Korrupsiya və Qanun" qəzetinin məlumatına görə Nəqliyyat naziri Ziya Məmmədov Neftçalada vətəndaşları qəbul edəcək. Bu haqda Nəqliyyat Nazirliyinin saytında məlumat verilib.
Məlumatda qeyd olunur ki, vətəndaşların qəbulu və müraciətlərinə baxılması, mövcud nəqliyyat problemlərinin araşdırılması və həll edilməsi məqsədi ilə nəqliyyat naziri Ziya Məmmədov 23 oktyabr 2015-ci il tarixində Neftçala şəhərində Salyan, Biləsuvar və Neftçala rayonlarında yaşayan vətəndaşları qəbul edəcək.
Saytda nazirin qəbuluna gəlmək istəyən vətəndaşların qeydiyyatının 21 oktyabr 2015-ci il tarixində 9:00-dan 18:00-dək müvafiq olaraq aşağıdakı ünvanlarda aparılacağı da diqqətə çatırılır:
- Salyan “20 saylı Yol İstismarı İdarəsi” (Salyan şəhəri, 20 Yanvar küçəsi-1)
- Biləsuvar “21 saylı Yol İstismarı İdarəsi” (Biləsuvar şəhəri, Vaqif küçəsi, 1)
- Neftçala “39 saylı Yol İstismarı İdarəsi” (Neftçala şəhəri, 33-cü məhəllə)