Müdafiə naziri Zakir Həsənovun təyinatından sonra Nazirlikdə kadr islahatları davam etməkdədir. Hələlik rəsmi açıqlamalar olmasa da, artıq bu barədə bir sıra məlumatlar yayılmaqdadır. Deyerler.org-un məlumatına görə, hərbi ekspert Üzeyir Cəfərli Müdafiə Nazirliyində ciddi kadr islahatları baş verib.
Belə ki, MN-nin şəxsi heyətlə iş idarəsinin rəisi, eyni zamanda Baş Qərargah rəisinin müavini- Səfərbərlik idarəsinin rəisi general-leytenant Yaşar Aydəmirov tutduğu vəzifədən azad edilib. Dünəndən etibarən üç idarənin işinə MN-nin Tərbiyəvi işlər idarəsinin rəisi general-mayor Vaqif Məmmədov rəhbərlik edəcək.
MN-də adı rüşvət və korrupsiya hallarında hallanan, bu yaxınlarda cəzaçəkmə müəssələrindən birindən Prezidentə açıq müraciətdə adı hallanan nazirliyin Büdcəyə nəzarət və Maliyyə İdarəsinin rəisi polkovnik Elçin Mehdiyev tutudğu vəzifədən azad edilərək cəbhə bölgəsindəki hərbi hissələrdən birinə təyin edilib. MN-nin Mühəndis istehkam xidmətinin rəisi polkovnik Mehman Qədiməliyev Bərdə Hərbi birləşməsinə aşağı vəzifəyə təyin edilib.
Üzeyir Cəfərli eyni zamanda digər ciddi kadr islahatlarının da olduğunu bildirib.
7 rəis işdən çıxarıldı – Səfərbərlik və Hərbi Xidmətə Çağırış üzrə Dövlət Xidmətində
Bakıda daha bir polis rəisi işdən çıxarıldı
General Elçin Quliyevə və polkovnik Azər Mehdiyevə hökm oxundu
Ermənistan ordusunun daha bir generalı işdən çıxarılıb
