İMİŞLİNİN "QƏMLO"SU: POLİS RƏİSİNİN MÜAVİNİ ƏSGƏRLİKDƏ OLAN OĞLUNA HƏDİYYƏ KİMİ FERMA İNŞA ETDİRİR

Qəzetimizin ötən sayında İmişli rayon sakini Səmədov Gülməmməd Səməndar oğlunun redaksiyamıza müraciəti əsasında "Xanhüseyn Kazımlının qohumları İmişlidə "Qəmloluq" edirlər səırlövhəli tənqidi məqalə dərc olunmuşdu. G.Səmədov bildirmişdi ki, ədalətsizliklərə qarşı barışmaz mövqeyinə görə X.Kazımlının qohumlarından təpki görür. Belələrindən biri də rayonda "Qəmlo" ləğəbi ilə tanınan Polis Şöbəsinin rəis müavini Habil Ağayevdir. Dediyinə görə, rəis müavini onu hədələyib ki, "özünü yığışdırmasa" maşınına nəşə atdırıb tutduracaq.
Bu günlərdə G.Səmədov redaksiyamıza əlavə məlumat verib ki, rayonda "at oynadan" rəis müavini əsgərlikdə olan oğluna hədiyyə kimi ferma tikdirir. Fermanın yeri mübahisəli torpaq sahəsidir. Araşdırılmalıdır ki, Habil Ağayev quru maaşı ilə bunca varidata necə yiyələnib.
Şikayətçi yazır ki, artıq bir dəfə onu şərləməyə cəhd ediblər. Üzünə adam durğuzublar ki, guya kiminsə üstünə tapança çəkib. Deyir ki, H.Ağayev qapı-qapı düşüb tullantı, paslı metal yığana da, az qala dilənçiyə də "taqsa" qoyub pul yığır.
Şikayətçi rəis müavininin müstəbid hərəkətlərinə son qoyulmasına nail olmaq üçün israrlıdır və daxili işlər nazirinə ardıcıl teleqramlar vurmağa davam edir. [xfgiven_embed] [/xfgiven_embed] [xfgiven_youtube][/xfgiven_youtube]