Hər hansı bir dövlətin mövcudluğu, fəaliyyət göstərməsi onun büdcəsindən asılıdır. Bildiyiniz
kimi, nəzərdə tutulmuş büdcə planlarının yerinə yetirilməsi həmin dövlətin xarici və daxili
siyasətində böyük rol oynayır. Vətəndaşların sosoial rifahını, təhsilini, səhiyyəsini
formalaşdırmaq üçün büdcəsi zəngin olan dövlətlər bu layihələri uğurla həyata keçirir. Ona görə
də Verfgi Nazirliyi və onun işçiləri saat mexanizmi kimi dəqiq işləməlidirlər. İnkişaf etmiş
ölkələrdə bu sahəyə xüsusi diqqət yetirilir. Qanunvericiliklə həmin işçilərin fəaliyyəti ciddi
şəkildə tənzimlənir. Yəni, bu sahədə buraxdıqları nöqsanlara və aldığı rüşvətə görə ciddi şəkildə
cəzalandırılırlar.
Bildiyiniz kimi, respublikamızın müstəqil dövlət kimi fəaliyyət göstərməsindən 25 ildən artıq bir
vaxt keçib. Bu müddət ərzində iqtisadiyyatımızda, sənayemizdə xeüyli dəyişikliklər olub.
Respublikamızın büdcəsi neft sahəsində gəlirlər hesabına formalaşıb. Lakin neftin dünya
bazarında kəskin düşməsi respublikamızın da büdcəsinə kəskin təsir etmişdir. Bazar
iqtisadiyyatının qanunlarına əməl etməmək iqtisadiyyatımızın bütün sahələırinə ciddi təsir
etmişdir. Hal-hazırda istənilən şirkət, müəssisə, tikinti sahəsini araşdırsaq, görəcəyik ki, vergi
ödəyiciləri vergidən ciddi şəkildə yayınırlar. Bu da respublikamızın inkişafına, yenidən
qurulmasına ciddi təsir edir. Acınacaqlı hal budur ki, nə qədər kadr dəyişikliyi edilirsə, heç bir
irəliləyiş olmur. Unutmayaq ki, şəffaf rəqabət olmayan yerdə inkişaf, tərəqqiyə nail olmaq
mümkün deyil.
Qiyam Ərşadoğlu
[xfgiven_embed] [/xfgiven_embed]
[xfgiven_youtube][/xfgiven_youtube]