Almaniya bu döyüş helikopterlərindən imtina etdi - FOTO

KORRUPSİYA-Q.AZ
Almaniya Federativ Respublikasının Silahlı Qüvvələri təhlükəsizlik tədbiri qismində "Eurocopter Tiger" döyüş helikopterlərinin istismarından müvəqqəti imtina etmək qərarına gəlib.

Publika.az xarici KİV-lərə istinadla xəbər verir ki, Bundesverin yaydığı məlumata görə, buna səbəb bərkidici boltların mümkün qüsurudur.

“Təhlükəsizlik Bundesver üçün prioritetdir. Bu səbəbdən "Tiger" döyüş helikopterlərinin istifadəsini dayandırmaq sərəncamı daxil olub”, - mətbuat üçün aşıqlamada belə deyilir.

AFR Silahlı Qüvvələri mümkün nöqsan barədə informasiyanı hərbi-sənaye kompleksinin nümayəndələrindən alıb. Bundan sonrakı addımlar haqqında qərar Bundesverin avqustun 8-nə planlaşdırılan iclasında qəbul olunacaq.

"Spiegel" jurnalı yazır ki, Almaniya Silahlı Qüvvələrinin sərəncamında 53 ədəd "Eurocopter Tiger" helikopteri var.


[xfgiven_embed] [/xfgiven_embed] [xfgiven_youtube][/xfgiven_youtube]