Almaniya qarşısını ala bilmədi: Türklər 40 minlik mitinqi keçirdi

Almaniya hökumətinin bütün maneələrinə baxmayaraq, bu ölkədə yaşayan 40 min türk Köln şəhərində dövlət çevrilişi cəhdinə qarşı mitinq keçirib.

Dunyapress.com Avropa.info-ya istinadən xəbər verir ki, Kölndəki "Deutzer Werft" meydanında keçrilən mitinqdə çıxış edənlər dövlət çevrilişi cəhdinə qarşı çıxıblar. Lakin, mitinq zamanı rəsmi Almaniyanın müəyyən menəçiliklər etdiyi üzə çıxıb. Belə ki, Türkiyə prezidenti Rəcəb Tayyib Ərdoğanın da videokonfrans vasitəsi ilə mitinqə qatılması gözlənilsə də, Almaniya Konstitusiya Məhkəməsi buna icazə verməyib.
Mitinqin sonunda Ərdoğanın müraciəti oxunub.
Türkiyə hakimiyyəti Almaniya məhkəməsinin bu qərarına etiraz edib. Prezidentin müşaviri İbrahim Kalın Ərdoğanın videokonfrans yolu ilə mitinqə qatılmasının əngəllənməsini qəbuledilməz adlandırıb.
"Təhlükəsizlik tədbiri mitinqinə qarşı deyil, təxribatçılara qarşı edilməlidir . Cənab Rəcəb Tayyib Ərdoğanın mesajının Almaniya məhkəməsi tərəfindən əngəllənməsinin gerçək səbəbini narahat edir.

Keçmişlərdə separatçı terror təşkilatının (PKK nəzərdə tutulur:red) Almaniya küçələrində
göstərdiyi tamaşalara səssiz qalan hökumətin, çevrilişə qarşı təşkil edilən mitinqə maneəçilik törətməsi qəbul edilə bilməz" deyə Kalın qeyd edib.