“IV İslam Həmrəyliyi Oyunları yüksək səviyyədə keçiriləcək. Azərbaycan bu mötəbər idman yarışının keçirilməsinə tam hazırdır. Bizim bu sahədə təcrübəmiz var və biz başqa ölkələrə yenə nümunə olacağıq”.
Bunu gənclər və idman nazirinin müavini İntiqam Babayev deyib. O bildirib ki, hazırda 50-dən çox ölkə IV İslam Həmrəyliyi Oyunlarında iştirakını təsdiqləyib: “İdmançılar, onların məşqçiləri, tibbi heyət də daxil olmaqla, 5000-ə yaxın insanın yarışlarda iştirakı gözlənilir. 20 sahədə 24 növ üzrə idman yarışları keçiriləcək. Oyunlar zamanı 16 idman obyekti və qurğusu idmançıların ixtiyarında olacaq. Bu idman obyektləri yeni deyil, onların hamısı I Avropa Oyunları zamanı inşa edilib və tam müasir standartlara cavab verir.
Atletlər kəndi də fəaliyyət göstərəcək. IV İslam Həmrəyliyi Oyunları Azərbaycan üçün çox böyük maraq kəsb edir. Eyni zamanda, IV İslam Həmrəyliyi Oyunlarının Təşkilat Komitəsinə ölkənin birinci xanımı Mehriban Əliyevanın rəhbərlik etməsi artıq uğuru təmin edən məqamdır. Biz I Avropa Oyunları zamanı bunun şahidi olmuşuq”.
Nazir müavini prezident İlham Əliyevin imzaladığı sərəncama əsasən 2017-ci ilin Azərbaycanda “İslam Həmrəyliyi İli” elan olunmasının cəmiyyət tərəfindən müsbət qarşılandığını da vurğulayıb: “Bu gün Azərbaycan islam dünyasının ən aparıcı ölkələrindən biridir. Azərbaycan həm Qərbi, həm də Şərqi təmsil edir”.
Oyunlar üçün 12 mindən artıq gəncin könüllü kimi qeydiyyatdan keçdiyini söyləyən İ. Babayev onların arasından təxminən 8 min gəncin seçiləcəyini deyib. Qeyd edək ki, IV İslam Həmrəyliyi Oyunları 12-22 may tarixlərində Bakıda keçiriləcək. (APA)
[xfgiven_embed] [/xfgiven_embed]
[xfgiven_youtube][/xfgiven_youtube]
Gənclər və idman naziri ABŞ-a gedib
Jurnalistlərin diqqətinə: Akkreditasiya başlayır
Fərid Qayıbov: "Avropa Oyunları dünya çempionatından da güclü olacaq" 06 Fevral, 2015 13:11
Azərbaycan daha bir beynəlxalq idman yarışına ev sahibliyi edəcək
Azərbaycan daha bir beynəlxalq yarışa ev sahibliyi edəcək
