Türkiyə mətbuatı Azərbaycan müğənnisi, Azərbaycan Respublikasının xalq artisti Azərinin dəstək mesajından yazıb.
Korrupsiya-q.az xəbər verir ki, müğənni Türkiyənin Suriyadakı əməliyyatları ilə bağlı dəstək videosu paylaşıb.
Azərin "Barış pınarı" əməliyyatlarında iştirak edən mehmetçiklərə dəstək olaraq paylaşdığı videoda bunları söyləyib:
"Görürsünüz ki, bayraqlarımız yan-yanadır. Türkiyə-Azərbaycan arasında heç bir fərq yoxdur. Ora da bizim vətənimizdir. Azərbaycan da bizim vətənimizdir.
Bayraqlarımız bundan sonra da yan-yana dalğalanacaq. Tam dəstəyimiz Türkiyəyə olacaq. Son nəfəsimizə kimi Türkiyə deyəcəyik. Bir hədəfimiz var: Turan, Qızıl alma".