Biləsuvar Gömrük İdarəsinin “Qoşa Təpə” gömrük postunda İran İslam Respublikasından ölkəmizə piyada gələn Azərbaycan vətəndaşı Dünyamalı Qaraşova məxsus idman çantasına baxış zamanı həmin çantanın içərisindəki 2 ədəd xurma qutusunda eynilə xurma şəklinə salınmış vəziyyətdə, ümumi xalis çəkisi 775 qram olan narkotik vasitə - tiryək aşkar edilib.
"Korrupsiya və Qanun" qəzetin Dövlət Gömrük Komitəsinin saytına istinadən verdiyi məlumata görə, həmin çantadakı çay qutusunun içərisində olan quru çayın arasında isə sellofan paketdə 94 ədəd metadon adlı həb aşkar olunub.
Bundan başqa, D.Qaraşovun üzərində şəxsi yoxlama zamanı isə ondan daha 4 ədəd metadon adlı həb aşkar edilərək götürülüb.
Xatırladaq ki, metadon adlı həb “Azərbaycan Respublikasının ərazisində dövriyyəsi məhdudlaşdırılan narkotik vasitələr”in II Siyahısına daxildir və cəmi 98 ədəd həbdə metadonun təsiredici maddəsinin ümumi miqdarı 3,92 qram təşkil edir. Faktla bağlı təhqiqat aparılır.
Düz bağırsağında Azərbaycana 59 qram narkotik keçirmək istədi
Rusiyadan gələn azərbaycanlıda 1130 qutu siqaret aşkar edildi
"Bandotdel" əməliyyat keçirdi - evdən silah-surat tapıldı
Mədəsində narkotik aparan narkokuryer öldü
DİN ağır qəza ilə bağlı məlumat yaydı - YENİLƏNİB
