Polisin yanında qoşa xətti keçdi, qaldırıb səkiyə çırpdılar – Bakıda

Yol hərəkəti qaydalarını kobud şəkildə pozan sürüccü ağır qəzaya səbəb olub
Bakıda ağır yol qəzası baş verib. Polisin yanında kobud qayda pozuntusuna yol verən qara rəngli minik avtomobili qəzaya səbəb olub. "Korrupsiya və qanun" saytına əsasən Avtosfer.az-ın məlumatına görə, qəza anı Daxili İşlər Nazirliyinin «Təhlükəsiz şəhər» kameraları vasitəsilə qeydə alınıb. Videodan da göründüyü kimi, qara rəngli avtomobil yol nişanı sağa hərəkət etməyi göstərdiyi halda maşınların arası ilə düzünə hərəkət edib qoşa xəttin tələbini pozur. Əks istiqamətli yola çıxaraq düzünə hərəkət etmək istəyərkən öz yolu ilə hərəkətdə olan ağ rəngli avtomobil onu arxa yan tərəfindən vurur. Nəticədə qara rəngli avtomobilin arxası havaya qalxır və maşın səkiyə çırpılır. Ağ rəngli avtomobilin isə ön tərəfi əzilərək yararsız hala düşür.