Qəlb yanırmı ?!

Nədir ?, nə baxırsan ey şəhid atası, saqqalını niyə qırxmırsan, göz yaşlarını vaxtsız ağarmış saqqalında gizlətmək üçün ? !. Nədir ?, qəlbin yanır ?!, televizoru açırsan orda vur çatlasındır ?!, şoulardır, kefdədirlər ?!. Ey şəhid atası Yadulla qardaşım, deyirsən banklar səni evindən qovur, qovarlar ay qardaşım, onların ürəkləri dağ görməyib axı...
Nədir ?, nə baxırsan ey şəhid anası, qara saçların nə tez ağardı ay qəlbi yanan bacım, arzuların ürəyində qaldımı ?!. Televizoru açırsan kefdədirlər ay bacım ?!
Nədir ?, nə baxırsan ey şəhid bacısı, " qardaşımın toyunda sındıra - sındıra süzəydim mahnısına " oynamaq arzusu ürəyində qaldımı ?!. Caan, yanan qəlbinə qurban olaram...
Televizoru açıb baxırsan kefdədilər ay bacım ?
Nədir ?, nə baxırsan ey şəhid qardaşı, vuran qolun sındı, gizlində hönkürüb ağlayırsan ey qururlu şəhid qardaşı ?!
Televizoru açırsan kefdədirlər ay sənə qurban ?!
Başınızı dik tutun sizlərə qurban olaram, şəhidlər ölmürlər !!

Həsən Həsənov