Azərbaycan İdeyası

Bakıda dörd məktəbdə ənənəvi dərslər bərpa olundu

Tarix:29-03-2021, 11:47
Baxış Sayı:91


Bakı şəhərində fəaliyyət göstərən dörd məktəbdə ənənəvi dərslər bərpa olunub.

Bakı Şəhəri üzrə Təhsil İdarəsindən verilən məlumata görə, martın 29-dan paytaxtdakı 59, 98, 274 və 320 nömrəli tam orta məktəblərdə əyani tədris prosesi bərpa olunub. Belə ki, qeyd olunan məktəblərin kontingenti üçün Gigiyena və Epidemiologiya Mərkəzinin rəyi əsasında müəyyənləşdirilmiş karantin müddəti başa çatıb.

Qeyd edək ki, 98 nömrəli tam orta məktəbdə çalışan 1 müəllimin, 274 nömrəli tam orta məktəbdə çalışan 4 müəllimin, 59 nömrəli tam orta məktəbin isə direktorunun COVID-19 testi pozitiv çıxdığına görə məktəblərdə tədris müvəqqəti olaraq distant təhsil formasında davam etdirilirdi.

Müvəqqəti olaraq 274 nömrəli məktəbin inzibati binasında fəaliyyət göstərən 320 nömrəli tam orta məktəb kollektivinin və şagirdlərin COVID-19 infeksiyasına yoluxma hallarının qarşısını almaq məqsədilə həmin məktəbdə də tədris 2 həftəlik distant formada davam etdirilib.

Onu da qeyd edək ki, hazırda təhsil müəssisələrində tədris və təlim-tərbiyə prosesi Nazirlər Kabinetinin “Xüsusi karantin rejimi dövründə Azərbaycan Respublikasında fəaliyyət göstərən təhsil müəssisələrində tədris və təlim-tərbiyə prosesinin təşkilinin müvəqqəti Qaydaları”na uyğun olaraq təşkil edilir.

Təhsil müəssisələrində koronavirus infeksiyasına qarşı şagirdlərin və məktəbin pedaqoji heyətinin daha etibarlı qorunması üçün sanitar-epidemioloji vəziyyətdən irəli gələn tələblərə ciddi əməl olunur və müvafiq qaydaların icrası ilə bağlı mütəmadi monitorinqlər aparılır.

Məlum olduğu kimi, paytaxtdakı ümumi təhsil müəssisələrində normal tədris mühitinin bərpası üçün pedaqoji və texniki heyətin vaksinasiya prosesi davam edir.


Bakıda dörd məktəbdə ənənəvi dərslər bərpa olundu

OXŞAR XƏBƏRLƏR
"Sədərək"dəki yanğına görə sahibkarlara dəymiş ziyanı kim ödəyəcək?
"Sədərək"dəki yanğına görə sahibkarlara dəymiş ziyanı kim ödəyəcək?
Gəncədə 29 yaşlı oğlan bıçaqlanıb,
Gəncədə 29 yaşlı oğlan bıçaqlanıb,
"Sədərək"də yanğın zamanı 12 nəfər tüstüdən zəhərlənib - YENİLƏNİB
"Sədərək"də yanğın zamanı 12 nəfər tüstüdən zəhərlənib - YENİLƏNİB
Allah Rehmet Elesin!
Allah Rehmet Elesin!
Azərbaycanda boya istehsalı zavodu YANIR - VİDEO - YENİLƏNİB
Azərbaycanda boya istehsalı zavodu YANIR - VİDEO - YENİLƏNİB
Yeni tədris ili üçün tədris planları təsdiq edildi
Yeni tədris ili üçün tədris planları təsdiq edildi
Nazirlikdən küləkli hava ilə bağlı əhaliyə müraciət
Nazirlikdən küləkli hava ilə bağlı əhaliyə müraciət
Özlərini “polis” kimi təqdim edib, Mərkəzə gətirdilər - hovuzda meyiti tapıldı
Özlərini “polis” kimi təqdim edib, Mərkəzə gətirdilər - hovuzda meyiti tapıldı