Daxili İşlər Nazirliyinin (DİN) mətbuat xidmətində yeni təyinat olub. Criminal.az saytının APA-ya istinadən məlumatına görə, bununla bağlı Daxili işlər naziri, general-polkovnik Ramil Usubov müvafiq əmr imzalayıb.
Əmrə əsasən DİN-in mətbuat xidmətinin şöbə rəisi, polis polkovnik-leytenantı Orxan Mansurzadə tutduğu vəzifədən azad edilərək mətbuat xidməti rəisinin müavini təyin edilib. Onun yerinə isə hələlik təyinat yoxdur.
Qeyd edək ki, O. Mansurzadə 1995-ci ildən daxili işlər orqanlarında xidmət edir. Son yeddi ildə isə o DİN-in mətbuat xidmətində şöbə rəisi vəzifəsində çalışıb.
Xatırladaq ki, 22 il DİN-in mətbuat xidmətinin rəhbəri olmuş Sadiq Gözəlov bir müddət əvvəl təqaüdə göndərilib. Onun yerinə mətbuat xidmətinin rəis müavini olmuş, polis polkovniki Ehsan Zahidov təyinat alıb.
Bakıda daha bir polis rəisi işdən çıxarıldı
Ramil Usubov İsmayıl Əsədovu işdən çıxartdı - TƏYİNAT
Ramil Usubovdan yeni təyinat
Ramil Usubov deputat oğluna vəzifə verdi
Ramil Usubov iki polis rəisinin yerini dəyişdi
